తిరిగి పాపం చేసెదవా?

దేవుని గొప్ప మహిమను చూసి తిరిగి పాపం చేసెదవా?
ద్వంద నీతికి నిష్కృతి లేదని నీకు తెలుసా ఓ క్రైస్తవా! || 2|| 

ఎంత అధము  ఆ సౌలు కన్న, ఎంత ఘోరము ఆ యూదా కన్న
వలదు పాపం ఇకపైనన్న, తిరిగి పొందు క్రీస్తులో  మన్నా  || దేవుని గొప్ప || 

మరచినావా నీ అపజయములు - గురుతు  లేదా! ఆ శోధనలు
నీవు చూపిన ఆ వినయములు - ఏడ్చి చేసిన ఆ ప్రార్థనలు || 2 || 

తండ్రి నీవే దిక్కంటూ,  మోకరిల్లిన ఆ క్షణము
అందుకొంటివి విజయములు, విడిచి పెడితివి వాక్యములు  || 2 ||  || ఎంత అధము || 

పొందు కొంటివి బాప్తిస్మమును - అందుకొంటివి ఆ రక్షణను
వదలబోకు ఆత్మీయతను - చేరనివ్వకు నిర్లక్ష్యమును  || 2 || 

తీర్పు తీర్చే సమయములో, ఓర్పు దొరకదు గుర్తెరుగు

నిత్య జీవం లో నుండి, ఘోర నరకము చేరెదవా?  || 2 ||  || ఎంత అధము || 

దేవుని గొప్ప మహిమను చూసి తిరిగి పాపం చేసెదవా?
ద్వంద నీతికి నిష్కృతి లేదని నీకు తెలుసా ఓ క్రైస్తవా!