ఆనందమేగా అన్ని వేళలా!

 

ఆనందమేగా అన్ని వేళలా, నీ ప్రేమలో సంతోషమేగా సదా కాలము, నీ సన్నిధిలో || 2 || కష్టాల కడలిలో పయనమైనా ఏ రీతి బాధలు నన్ను క్రుంగదీసినా || 2 || || ఆనందమే || కురిసే కన్నీటికే తెలుపనా ఎగిసిపడే తుఫానునే అణిచావని నా గుండెలో భారముకు చెప్పనా ఈ లోక భారమునే మోసావని || 2 || ఏముంది నీ నామములో కానిది! ఏదయినా, ఏమయినా నీవేగా నా పెన్నిధి || 2 || || ఆనందమే || అలముకున్న చీకటికి తెలియకున్నది నీ వెలుగుగా నన్నే నువ్వు పిలిచావని వేధించే శోధనలు ఎరుగకున్నవి ఆ కొలిమిలో నా శుద్ధత పెంచుతావని || 2 || ప్రతి ఇరుకులో విశ్వాసము పెరుగుతుండగా సాగెద నీ మార్గములో నిరతము నిన్ను చేరగా || ఆనందమే ||

లాలి పాటలు పాడాలి!

 

లాలి లాలి అంటూ పాటలు పాడాలి ఆ దేవుని కార్యములు సాక్ష్యము చెప్పాలి ఈ గర్భ ఫలము ఆ దేవుని వరము మా సంతానము తనకే అంకితము

ఆనాడు హన్నా ప్రార్థన విన్న వాడు మాపై కూడా కృపను కురిపించినాడు || 2 || సమూయేలుగా మా సంతానమును పెంచాలి || 2 || ఎస్తేరు రుతులుగా వెలుగులో నడవాలి || 2 || || లాలి లాలి ||

ప్రతి ఆపద నుండి క్రీస్తును కాచిన దేవుడు నిను కూడా నిత్యమూ నడిపించును గాక || 2 || పౌలు మాదిరి ప్రభు కొరకు పరుగెట్టాలి || 2 || విశ్వాసములో ప్రభు మెప్పును నువు పొందాలి || 2 || || లాలి లాలి ||

నన్ను మార్చుము దేవా

 

నన్ను మార్చుము దేవా, నన్ను మార్చుము ప్రభువా || 2 || 

నీ ఆజ్ఞలు మిరీతిని పాపమును చేరితిని

తనువు తపన తీర్చుటకు కపటమును నేర్చితిని || 2 ||  || నన్ను మార్చుము ||

పరిశుద్దతను విడిచి లోకములో పడిపోయితిని

పరలోకపు మార్గము మరచి నరకముకు నడిచితిని || 2 ||

నీ దండముతో సరిచేసి దయతో నీ దరికి చేర్చుము

జీవము గల నీ వాక్కులతో నాదు పాపములను చూపుము ||2 ||  || నన్ను మార్చుము ||

నీవు నాకు కాపరివైన కంచె దాటి పొయితి నేను

మంచి నాకు పంచిన గాని వంచనతో విడిచితి నిన్ను || 2 ||

నీ సన్నిధి విడిచిన మొదలు తప్పిపోయి తల్లడిల్లితి

నీ స్వరమును తిరిగి వినుటకు నీ సన్నిధి మోకరిల్లితి || 2 || || నన్ను మార్చుము ||