దేవుడు దేహమును

 

దేవుడు దేహమును పొందిన దినము
మనిషిగా మారి ఇలను చేరిన క్షణము   || 2 ||
తార వెలిగెను - దూత పాడెను
పరలోకానికి  మార్గము వెలిసెను  || 2 ||
స్తుతుల గానములు  పాడి పరవశించెదము
యేసు నామమునే  చాటి మహిమ పరిచెదము  || 2 ||

దూత పలికెను భయము వలదని
తెలిపే వార్తను  యేసే  క్రీస్తని || 2 ||
చీకటి తొలగెను రారాజుకు  భయపడి
లోకము వెలిగెను  మరణము చెరవిడి  || 2 ||
క్రీస్తు పుట్టెనని తెలిపి సంతోషించెదము
నిత్య జీవమునే చాటి  ఘనత పొందెదము  || దేవుడు ||

సృష్టి కారుడు  అల్పుడాయెను
అది శాపము తియ్య  వచ్చెను || 2 ||
పాపము  ఎరుగని మనిషిగా బ్రతికేను
మానవ జాతికి మార్గమై నిలిచెను  || 2 ||
నమ్మి ఒప్పినను చాలు తొలగు పాపములు
పరము చేరుటకు మనకు కలుగు దీవెనలు  || దేవుడు ||